13 أغسطس 2006

 

 

 

 

 

في عيد ميلادك الكام وسبعين....

احمد فؤاد نجم

 

سيدي الرئيس 

في عيد ميلادك الكام وسبعين

كل سنة وانت طيب

واحنا مش طيبين

كل سنة وانت حاكم

واحنا محكومين

واحنا مظلومين

واحنا متهانين

ويا تري يا حبيب الملايين 

فاكرنا ولا احنا خلاص منسيين

فاكر المعتقلين

فاكر الجعانين

فاكر المشردين

فاكر اللي ماتو محروقين

فاكر الغرقانين

الله يكون في عونك - ها تفتكر مين وللا مين

في عيد ميلادك الكام وسبعين

بقول لك كلمتين 

الأوله

شيلتنا طين

وهل تعلم أن النيل بقي رشاح

والجو أصبح بيئة والعيشة ولعة

والشرفا قلوبهم عالبلد والعة

وانت عاملهم مذبحة ولا بتاعة القلعة

والإقتصاد سداح

والسرقة بقت كفاح

ومصر متاحة بس للسياح 

وعرض البلد بقي مستباح

والثانية

ورتنا الويل

دا الخطوة في عهدك بقت ميل

والضحك بقي نواح وعويل

والكوسة

عارف الكوسة

ممكن أقول لك فيها مواويل

والجامعة بقت يا إما كباريه أو دار مسنين

والشباب معظمهم من غير خمرة سكرانين

والعلم عز علي المتعلمين

والأساتذة بقم دجالين

والقادة بقم طبالين

واديني في الهايف يا حبيب الملايين

والثالثة

عارف اليابانيين

زمان في سنة اتنين وخمسين

كان عندنا تروماي وكان عندنا علم ومتعلمين

وثقافة ومثقفين

وأدبا وعلما وفنانين

وكانو اليابانيين

بالنووي لسه مضروبين

وللصدقة مستحقين

دلوقتي إحنا فين وهما فين

هما فوق واحنا في أسفل سافلين 

والرابعة

أمن بلدنا بقي تنين

والمحاكم اتملت مظالم

والعدالة بقت كمالة

وكلمة الحق في الزبالة

وأصحابها في الزنازين

والخامسة

القطاع العام....عام

والفساد.....ساد

وفي جتة بلدنا بيرعي 

أفتكر لجنابك إيه وللا إيه

وكل ذكري ليك بدمعة

آآآآآآآآه آآآآآآآآه

أنا كنت حالف ميت يمين

أكملهم لك تمنية وسبعين

بس ها كفيهم ورق منين

وكل سنة وانت .............

واحنا طيبين

 

 للتعليق على الموضوع

 

Thu, 31 Aug 2006 16:01:32 -0700 (PDT)

From:  "fabi art" <fabigraph@yahoo.com> 

    التعليق:

http://www.jeel-libya.com/follows/view.asp?field=content&id=1265

 

 

"foto-master.com" <admin@foto-master.com

Date: Fri, 1 Sep 2006 10:02:56 +0300

    كنت اتمنى لو كانت التعليقات على الشعر بالعربية أو حتى المصرية. لا اعتقد انه يليق بمقام شاعر مثل أحمد فؤاد نجم عبارات مكتوبة بلغة غير لغة الشاعر.

ابراهيم فضيلات

       

AXMorsey@aol.com    

Date: Tue, 15 Aug 2006 23:00:22 EDT

   

Uncle Nigm, you are a true Egyptian hero. And Salah salah Mohessin is truly right when he said you uncle Nigm is an Egyptian lotus flower growing at the edge of a canal..  Uncle Nigm, Please Keep on writing till Egypt is free and fair for ALL...

 Mohamad Morsey 

 

Date: Mon, 14 Aug 2006 13:59:21 -0600

From: "Farhan, Ali" <Ali.Farhan@calgary.ca> 

   

Great poem. Please continue  all the كلمة  تمنية وسبعين

 

Ali

 

 

 

Sun, 13 Aug 2006 16:09:44 -0400

From: "salah mohssein" <salah.mohssein@videotron.ca> 

   

نجم : زهرة لوتس مصرية  نبتت علي حرف ترعة 

صلاح الدين محسن