16 يناير 2005

قصيدة "الممنوعات" لأحمد فؤاد نجم


ممنوع من السفر
ممنوع
من الغنا
ممنوع من الكلام
ممنوع من إلاشتياق
ممنوع من إلاستياء
ممنوع من إلابتسام
وكل يوم فى حبك
تزيد الممنوعات
وكل يوم باحبك
أكتر من اللى فات
حبيبتي يا سفينه
متشوقه
وسجينه
مخبر فى كل عقده
عسكر فى كل مينا
يمنعني لو أغير
عليكي أو أطير
إليكي واستجير
بحضنك
أو أنام
فى حجرك الوسيع
وقلبك ألربيع
أعود كما الرضيع
بحرقه الفطام
حبيبتي يا مدينه
متزوقه وحزينه
فى كل حاره حسره
وف كل قصر زينه
ممنوع من إني أصبح
بعشقك .. أو أبات
ممنوع من المناقشه
ممن
وع من السكات
وكل يوم فى حبك
تزيد الممنوعات
وكل يوم باحبك
أكتر من اللى فات

القاهره / 1976

 

 

للتعليق على هذا الموضوع

 

Tue, 24 May 2005 06:12:45 -0700

"Salah Mohssein" <salah.mohssein@videotron.ca> 

يا سلام عليك يا واد يا أبو النجوم  أنت يا واد  زهرة لوتس مصرية نبتت علي حرف رشاح 

 صلاح الين محسن

الكاتب المصري